Saur mama; “Ari nurutkeun itungan dagang mah nya naon untungna ngurus anak,
upama dibandingkeun jeung ngurus domba, apan can nincak sataun oge geus beunang didahar,
sohor dagingna oge sate kambing muda, hargana oge undak batan anu geus kolot. Sedengkeun ari ngurus anak,
teuing iraha mulang tarimana, apan hayang jadi jalma pinter teh salianti waragadna teu saeutik,
waktuna oge aya kana welasan taun, malah boa urang kaburu euweuh.
Numutkeun dawuh Rasul mah, ngurus anak teh teu beda jeung melak korma mun diurang mah melak kalapa,
malah buah anu saestuna lain buah kalapa anu eta tapi buah amal anu baris mayeng. Ngan tangtu moal bisa ku cara cul jeun.
Anak nu dilahirkeun ku urang Islam eta teh muslim, ahli waris,
patali jeung hitanan langsung bae diajar salat anu jadi pondamen keur amal hirup satuluyna,
minangka dadasar keur jadi manusa anu soleh tea. Tah eta kawajiban kolot,
nya ulah ngan hayang ngeunahna wungkul ari kahayang boga anak anu soleh
tapi teu pisan merhatikeun kana jeujeuhan daek mamagahana.
Nya sarua wae jeung ngaharepkeun pepelakan teh buahna meuhpeuy tapi teu pisan aya kadaek dina lebah ngurusna.
Tidak ada komentar:
Posting Komentar